Skip to content
- Skólinn er opnaður kl. 7:50 á morgnana fyrir nemendur. Á þeim tíma safnast nemendur á sal. Kl. 8:10 er opnaði inn í kennslustofur og nemendur geta verið þar inni í rólegri stund þar til kennsla hefst kl. 8:25.
- Veikindi nemenda skal tilkynna í byrjun hvers skóladags í gegnum mentor eða á skrifstofu skólans.
- Umsókn og uppsögn á hádegismat í skólanum fer fram á Rafrænni Reykjavík.
- Brýnt er að nemendur hafi með sér hollt og gott nesti. Afgangar af nesti og nestisumbúðir eiga nemendur að taka með sér aftur heim. Liður í grænfánaverkefni skólans er að minnka úrgang og bendum við foreldrum á að nota fjölnota umbúðir fyrir nesti.
- Mikilvægt er að nemendur borði hollan og góðan morgunverð áður en farið er í skólann.
- Mikilvægt er að merkja vel allar yfirhafnir og skó nemenda. Æskilegt er að nemendur séu í skófatnaði sem auðvelt er að komast í og úr.
- Nemendur þurfa að koma klæddir eftir veðri og vindum hvern dag. Veður á Íslandi er síbreytilegt og nemendur þurfa að vera undir það búnir.
- Endurskinsmerki eru nauðsynleg á allar yfirhafnir í skammdeginu.
