Foreldrar

Foreldrafélag Ártúnsskóla

Frá sameiningu grunnskólans Ártúnsskóla og leikskólans Kvarnaborgar árið 2012 hefur verið starfrækt eitt sameiginlegt foreldrafélag við skólann.

Foreldrafélög eru lögbundin skv. 9. gr. laga um grunnskóla og það er á ábyrgð skólastjóra að sjá til stofnunar þess og að aðstoða félagið eftir þörfum. Foreldrafélag hvers skóla setur sér starfsreglur, m.a. um kosningu í stjórn félagsins og kosningu fulltúa í skólaráð. 

Í 10. grein laga um leikskóla kemur fram að leikskólastjóri skuli stuðla að samstarfi milli foreldra og starfsfólks leikskóla með velferð barna að leiðarljósi. 

Hlutverk foreldrafélagsins er m.a. eftirfarandi:
• Að styðja við skólastarfið
• Stuðla að velferð nemenda skólans
• Efla tengsl heimilis og skóla
• Hvetja til virkrar þátttöku foreldra í skólastarfi
• Hagsmunagæsla, aðhald og eftirlit með skólastarfinu

 Á vef heimilis og skóla má finna ítarlegar upplýsingar fyrir foreldra um skólastarf.