Þriðjudaginn 31. janúar n.k. kl. 17:30 til 19:00 stendur Foreldrafélag Ártúnsskóla fyrir sinni árlegu félagsvist. 

Aðgangseyrir er 500 kr. og innifalið í aðgangseyri eru léttar veitingar.

Flottir vinningar eru í boði!!

Munið að koma með spil og blýant

Allir velkomnir (mamma, pabbi, amma, afi, systkini...) Nemendur í 6. LB verða með kökubasar sem fjáröflun vegna Reykjaferðar næsta haust.

Notaðar skólapeysur verða seldar á vægu verði.

Kveðja,
Stjórn Foreldrafélags Ártúnsskóla

„Góð færni í lestri er talin vera eitt af því sem síst er hægt að vera án".
Lestrarsprettur Ártúnsskóla stendur nú sem hæst og mikill áhugi er meðal nemenda. Í morgun stóð skólasafnið fyrir sameiginlegri lestrarstund allra nemenda og starfsfólks skólans. Hefðbundin kennsla var lögð niður og fengu nemendur og starfsfólk að velja sér stað í skólanum og lesa sér til yndis og ánægju. Lestrarstundin tókst með miklum ágætum og var gaman að sjá nemendur kúra með bækurnar sínar í öllum hornum og skúmaskotum og gleyma sér við spennandi söguþráð. Mánudaginn 30. janúar kl. 8:30-9:10 endurtökum við lestrargleðina með samskonar hætti.

Myndir frá lestrarstundinni

Danskennsla hefst í þessari viku og stendur fram til 9. mars. Kennslan er í höndum Ragnars Sverrissonar. Þessar vikur fara bekkirnir einu sinni í viku í dans. Nemendur í 3.EJ og 5.KG fara í dans á miðvikudögum og aðrir bekkir eru á föstudögum.